أزمة وجودية

Apple_34207 🇪🇬

منذ شهرين

شعور ضائع

Sugar_44866 🇪🇬 بص يااخويا انت حسيت في العشره الاواخر من رمضان بضيق كدا انك بعيد عن ربنا يعني ممكن ده يكون معناه ان ربنا عايزك ترجع ليه و بص هقولك عندك القرآن الكريم اقعد اقرآ فيه كدا وافهم اياتو بس مش بعقل افعم الايات بالتفسير بتاعه هتلاقي ان ده مستحيل يكون كلام بشر وىبنا يهديك يعم 🤍

عرض الكل 7 نصيحة

عبّر عن شعورك بشكل مجهول

عايز أتكلم من غير أي نوع من أنواع أخد فكرة معينة أو الحكم المسبق أو كره غير مبرر من غير ما تعرفوا التفاصيل، بس هحاول أبسط الدنيا وعايز نصيحة بجد، على الرغم اني ما بحبش اشتكي او أشارك في البرنامج ده عام، فعايز أشوف رأيكم واخد نصيحتكم كمجهول.
كل الي طالبه مساعدة فقط، قل خيرا أو اصمت.
الوقتي أنا إنسان مسلم، أو على الاقل بصنف نفسي كمسلم بقالي سنين بدور على طريق صح وبدافع عن الإسلام بكل طريقة، ومبتعد عن الشبهات والى أخره، المهم أنا من 3 شهور كده محصلش حاجة بس الواحد حس بضياع مفاجئ وان هو مبقاش مؤمن باللي هو مؤمن بيه طول حياته، كان عندي شكوك زمان أكيد بس فيه حاجات وضحت اوي، افكار اتراكمت، حسيت إن بقى عندي شك في وجود الاديان، صحة الأنبياء، الشرائع، والخ..
ده مش غرور مني ولا عشان انا بعمل معصية فببعد الاحساس بالذنب عن طريق إني مفكرش فيها على إنها معصية، ولا اني عايز أضيع او من الاخر اتخلص من سلطة الدين ، لا خالص ، الموضوع شك كبير وفجوة جوايا حسيت بيها، من شهرين كده بقى بدأت خلاص ما أؤمنش بالاسلام بس مؤمن بالله ووجود اله، ودورت على كل طريقة ترجعني الدين دايما بفكر بطريقة تخليني مأآمنش بالدين، مش قادر أحسن النية نهائياً، وخلاص فقدت إيماني بالكامل، الوقتي أنا في رمضان وبما اني فقدت إيماني ففي بدايته قررت اني مصومش، وحسيت انب وصلت لفكرة وعايز اشاركها مع كله بس خوفت، الوقتي حسيت بفجوة برده في اخر رمضان وهي اني مش مرتاح في الي انا فيه ده، شعور إني مش عارف حاجة خالص بعد ما كنت حاسس انب عارف كل حاجة ده شعور مرهق، فكرة اني كنت عارف الي فيها زي ما بيقولوا كانت أحسن وافضل من انب اعيش تايه ضايع مش عارف انا موقعي فين في العالم، ومعنديش حاجة اؤمن بيها، عشان كده قررت ارجع للدين وعشت الاجواء الدينية على أخرها في ال10 الاواخر بس...
انا الوقتي مش مرتاح برده، المشكلة إني مش مرتاح في وجود الإيمان ومش مرتاح في عدمه، أعمل إيه الوقتي؟ومحدش يقوللي اروح للحل الأأمن وهو إني أبقى مؤمن، بس حتى ده غلط لأني مش مرمن إيمان كامل بالدين، مثقال ذرة من عدم الايمان فيه نار وجحيم، فما بالك بعدم ايمان كامل، انا عايز حل يخليني اوصل للطريق الصح واني ابقى فعلًا مرتاح نفسيا معاه.
شكراً ولو سمحت انا ما اتكلمتش مع حد خالص في الموضوع ودي مجرد شكوك وعايز اشوف لها حل أتمنى تساعدوني اكتر ما تصدوني عن الموضوع كله، دي ازمة وجودية وشعور صعب بالنسبالي واتمنى انه يعدي على خير.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Banana_51073 🇦🇪

منذ 4 أشهر

شعور شاعر بالملل

مؤخرا بقي عندي احساس ان الحياه مملة مبقاش في حاجه ليها طعم أو ممتعة زي زمان ، لو بتفرج علي فيلم اقفله في نصه لو قاعد مع اصحابي ع القهوه ببقي عايز اروح لو بكلم حد ببقي عايز اقفل معاه ولو قاعد مش بعمل حاجه ببقي عايز اعمل حاجه بس مش عارف اي هي ، حد عنده حل يرجع الاحساس بأي حاجه تاني ..

Onion_50911 🇴🇲

منذ 5 أشهر

شعور مرتبك

هو أنا المفروض أكون إيه ؟ فيه مهارات كتيره أنا مشتت بينها بعرف أصور بس مش مصور بعرف أصمم مواقع بس مش مصمم مواقع بعرف أمنتج بس مش مونتير هل أنا وصلت لماهيتي فعلا من خلال كل التجارب دي ولا لسه هكون شيء ما اخر مجربتوش هل عارف إنت المفروض تكون إيه ؟ حتى الآن ما أدركه إن لا بأس إنك تكون لسه بتكتشف

Banana_47428 🇪🇬

منذ 5 أشهر

شعور متعب

حاسة اني عاوزة اعيط على كل حاجة حاسة فاشلة في كل حاجة فشلت في الدراسة، فشلت في اني احقق حلمي وادخل الكلية اللي نفسي فيها، فشلت في اني احافظ على صحابي ويقضلوا يحبوني، فشلت في الكتابة، فشلت في اني اكون ابنة كويسة، فشلت في اني احافظ على علاقتي بربنا واحسنها كل حاجة في حياتي بتبوظ بالتدريج وكل يوم بسأ

Chocolate_47841 🇪🇬 انتي عايشه عشان انتي تستاهلي ده ❤️ وليكيي قيمه كبيرة اوي محدش حاسس بيها من كل الي حواليكي ولا انتي نفسك حاسه بيها بس تأكدي انك حد جميل وانك بس مش عارفه تلاقي نفسك ولا اكتر ولا اقل وعمرك ما هتكوني فاشله بصي لقدام وغيري من نفسك واوعي تتأثري أن صحابك بعدو عنك أو انك وحيدة لما تحسي كدا اقعدي اتكلمي مع ربنا هو احسن حد هيسمعك ❤️‍🩹انا متأكدة انك جواكي شخص حلو جدااااا انتي لسه مش عارفه تلاقيه ❤️

عرض الكل 4 نصيحة

Mango_40706 🇪🇬

منذ 5 أشهر

شعور مرهق

أنا الآن في أقصى مراحل ضياعي، إلى أين أهرب؟ أهرب من ذاتي أم إليها؟ من أفكاري التي تلاحقني، أم إلى صمتٍ لا نهاية له؟ أجدني محاصرة بأسئلتي، بخوفي، وبذاك الشعور الثقيل الذي لا أستطيع وصفه. فأنا كثيرًا ما أخشى هذه الأيام أن يصبح كل شيء بلا معنى، أن أفقد قدرتي على الشعور، على الحلم، على الحياة.

Strawberry_29889 🇪🇬 اولا طريقة كتابتك لطيفه بالرغم من أن الكلام تقيل وصعب ربنا يصلح حالك يارب ويريح بالك ويجبر بخاطرك يارب العالمين ثانيا جربي استغلي طريقتك دي وتكتبي كل اللي بتحسي بيه حتي لو علي نوت الموبايل او ورقه خرجي كل اللي جواكي بالكتابه مده معينه مثلا وشوفي أثرها عليكي واتمني تبقي ف احسن دايما يارب

عرض الكل 5 نصيحة